Tre personat Velibor Manev, Vlatko Keshishev dhe Bore Videvski, kanë pranuar përfshirjen e tyre në kidnapimin dhe vrasjen e Vanja Gjorçevskës dhe Pançe Zhezhovskit. Shefi i Prokurorisë së Shkupit, Gavril Bubevski, bëri me dije se ata ndiqen penalisht për tri vepra penale – përfshirë vrasjen. Gjatë rrëfimit, ata treguan kohën kur u vra Vanja dhe kur u vra Pançe.
“Autorët janë të njëjtë si për krimin e parë ashtu edhe për krimin e dytë. Ata dënohen sipas kualifikimit më të rëndë penalo-juridik me dënim më të rëndë”, ka shtuar Bubevski.
Sipas informacioneve fillestare, ata në deklaratat e tyre thanë se e vranë Vanya-n pasi çështja doli jashtë kontrollit.
“Ky është versioni i tyre”, shtoi Bubevski.
Janë marrë gjurmë biologjike dhe janë duke u ekzaminuar. Pasi të dalin rezultatet, do të ketë një hetim dhe më shumë detaje.
Pas kësaj do të kërkohet masa më e ashpër e mundshme”, shtoi Bubevski.
