Qeveria në seancën e sotme miratoi vendim për shpalljen e Thirrjes Publike për dorëzimin e ofertave për dhënien me qira të tokës bujqësore shtetërore deri në 3 hektarë në nëntë rajone. Kjo thirrje publike u mundëson fermerëve që kanë tokë me plantacione afatgjata dhe për të cilën nuk kanë lidhur kontratë qiraje, të paraqesin oferta në Ministrinë e Bujqësisë, Pylltarisë dhe Ekonomisë së Ujit me të dhënat e tokës.
Në këtë mënyrë, me lidhjen e marrëveshjeve me MBPZ-në, zgjidhet statusi ligjor i tokës, i cili do t’u japë të drejtë fermerëve të aplikojnë për masat nga Programet për mbështetje financiare në bujqësi dhe zhvillim rural.
Thirrja publike është e dedikuar për Kavadar, Rosoman, Negotinë, Resnjë, Strugë, Strumicë, Tetovë, Valandovë dhe Gjevgjeli.
Qëllimi dhe kohëzgjatja e qirasë për të cilën është dhënë toka bujqësore në pronësi të shtetit është për:
- kultivimi i plantacioneve afatgjata (vreshta, pemishte, HOPS) për një periudhë deri në 30 vjet,
- kultivimi i plantacioneve afatgjatë të lajthive për një periudhë deri në 70 vjet,
- kultivimi i ullishteve për një periudhë deri në 50 vjet
Thirrja publike do të shpallet në fund të javës.
