MPB njofton se është parashtruar kallëzim për prishje të rendit dhe qetësisë ndaj Astrit Sadikut, i cili gjatë ditës së djeshme duke sharë dhe kërcënuar, pengoi gazetarët në punën e tyre në raportim për djegien e deponisë në rajonin e Tetovës. Nga MPB thonë se gjatë ditës së sotme me të njëjtin është kryer bisedë informative.
“Sot (24 gusht) është zhvilluar bisedë zyrtare me A.S.(38) nga Çegrani i Gostivarit, pronar i deponisë, pas së cilës ndaj tij është bërë kallëzim sipas Nenit 13 të Ligjit për kundërvajtje kundër rendit dhe qetësisë publike. Gjegjësisht, dje (23 gusht), rreth orës 12:30 në zonën “Dimnovicë”, rajoni i Stençës, Tetovë, A.S. është sjellë në mënyrë agresive, i ka penguar në punën e tyre dhe ka kërcënuar S.Z.(35) dhe B.P.(36), të dy nga Tetova, të cilët kryenin detyra profesionale si gazetarë”, thonë nga MPB.
