Nxënësit dhe studentët nga ky vit do të kenë mundësi të përdorin transportin publik. Ndërmarrja Publike “Tetova Transport” në kategoritë e biletave mujore dhe vjetore ka kategorinë “F” e cila vlen për nxënësit dhe studentët, transmeton Portalb.mk.
Konkretisht bileta mujore është 250 denarë. Ndërsa bileta vjetore është 2.500 denarë.
Dokumentacionet që kërkohen për t’u pajisur me biletë janë:
- Kartë identiteti/pasaportë e vlefshme;
- Konfirmimi i pagesës;
- Vërtetim nga shkolla (për nxënësit e shkollave të mesme), ndërsa vërtetim nga universiteti ose indeks (për studentët);
- Fotografi 35×45 mm.
Biletat mund të merren në objektin e NP “Tetova transport” – Tetovë, objekti 701 në hapësirat e Universitetit të Evropës Juglindore.
Bileta vlen për të gjitha linjat e “Tetova Transport” – Tetovë, nga e hëna deri të shtunën.
Orarin veror të linjave të autobusëve e gjeni KËTU.
Ndërkaq, vetëm për krahasim, nxënësit e shkollave të mesme në Shkup transportin publik e kanë pa pagesë, pra nuk paguajnë bileta, paguajnë vetëm tarifë prej 200 denarë për marrjen e kartelës.
