Tetova po përballet çdo ditë me mungesën e parkingjeve dhe një kaos të madh urbanistik. Ndërkohë që qytetarët vuajnë për hapësira elementare parkimi, kryetari aktual ka dhënë leje për ndërtime të reja, por nuk ka siguruar zgjidhje për infrastrukturën e nevojshme.
Banorët thonë se Tetova po shndërrohet në një qytet pa plan dhe pa vizion. Sipas tyre, një kryetar që nuk ofron zgjidhje për problemet bazë si parkimi dhe rregullimi urbanistik, nuk e meriton të vazhdojë të drejtojë komunën. Ata kërkojnë ndryshim dhe një qeverisje që i jep prioritet qytetarëve dhe jo interesave të ngushta.
