Në forumin europian për mbrojtjen, shefja e politikës së jashtme Kaja Kallas, bëri thirrje për rritjen e shpenzimeve për të përballuar agresionin rus.
“Rusia përbën një kërcënim ekzistencial për sigurinë tonë sot, nesër dhe për aq kohë sa ne investojmë më pak në mbrojtjen tone. Njerëzit thonë se unë jam skifter kundër Rusisë, mendoj se unë jam thjesht realiste”, tha Kallas.
Kallas theksoi se blloku europian duhet të jetë i përgatitur për luftë.
“Koha nuk është në anën e Rusisë. Por nuk është domosdoshmërisht në anën tonë. Sepse ne ende nuk po bëjmë mjaftueshëm. Nuk duhet të ketë asnjë dyshim në mendjen tonë se ne duhet të shpenzojmë më shumë për të parandaluar luftën. Por ne gjithashtu duhet të përgatitemi për luftë”, tha Kallas.
Njëra nga kundërshtaret më të zëshme të presidentit rus, Vladimir Putin, gjithashtu i dha të drejtë presidentit amerikan Donald Trump , se vendet anëtare të Bashkimit Evropian nuk shpenzojnë mjaftueshëm në fushën e mbrojtjes./vizionplus.tv
