Besa Ademi do të mësojë të mërkurën nëse duhet të largohet nga posti i kryetares në Supreme. Komisioni tre anëtarësh ka shkruar raportin, i cili tashmë do të debatohet nga të gjithë anëtarët e Këshillit Gjyqësor. Dokumenti përcjell plotësisht pyetjen e Ademit, por nuk ka udhëzime se si të vazhdohet me procedurën. Besa Ademi në një deklaratë me shkrim për Sitel shkruan se pret që Këshilli të respektojë ligjet dhe rekomandimet e Misionit vlerësues të BE-së gjatë marrjes së vendimeve, përcjell FLAKA.
“Besoj se përmes shpjegimit tim të argumenteve janë vënë në dukje disa aspekte lidhur me arsyetimin dhe vlefshmërinë e procedurës dhe pres një rezultat që do të bazohet në parimin e sundimit të ligjit dhe në përputhje me konstatimet të Misionit Vlerësues të BE-së”, shkruan Besa Ademi, kryetare e Gjykatës Supreme.
Nga ana gjyqësore, ka disa instrumente në dispozicion. Mund të propozojë shkarkimin, uljen e pagës ose ndërprerjen e procedurës. Si opsion, ligji ofron edhe heqje të përkohshme të detyrës.
“Këshilli, me vendim pas raportimit, mund ta shkarkojë përkohësisht kryetarin e gjykatës nga ushtrimi i funksionit gjyqësor, në pajtim me Ligjin për Gjykatat”, shkruhet në Ligjin për Këshillin Gjyqësor.
Kryetarja e Gjykatës Supreme u përball me shkarkimin pasi tha se gjykata ishte nën presion politik për të pranuar amnistinë e ish-presidentit Ivanov.
Ndërkaq, pas Besa Ademit ka qëndruar ambasadori holandez. Pas takimit me liderin e BDI-së, Jan Kopp tha se ndikimi politik te kryetari i Këshillit Suprem është i papranueshëm dhe shkaktoi reagim të ashpër nga Holanda. FLAKA
