Ish-presidenti i Kosovës, Hashim Thaçi, del këtë të hënë para Tribunalit Special në Hagë në fillim të gjykimit të tij për krime lufte dhe krime kundër njerëzimit për pjesëmarrje, sipas deklaratës së akuzave, në një fushatë persekutimi, vrasje, torturë dhe zhdukje.
Së bashku me Thaçin, liderin politik të UÇK-së, akuzohen edhe tre ish-udhëheqës të tjerë të këtij grupi gueril: ish-lideri i Partisë Demokratike të Kosovës, Kadri Veseli, ish-shefi i grupit parlamentar të Lëvizjes Vetëvendosje, Rexhep Selimi, dhe ish-kryetari i këshillit kombëtar të partisë Nisma Socialdemokrate, Jakup Krasniqi.
Konkretisht, gjykata akuzoi Thaçin – pasi që ai dha dorëheqjen nga pozita e tij në vitin 2020, pasi dëgjoi deklaratën e akuzave – dhe tre ish-zyrtarët e UÇK-së me pjesëmarrjen e tyre në një “ndërmarrje të përbashkët kriminale” që, nga marsi i vitit 1998 deri në shtator të vitit 1999, u fokusua për “fitimin dhe ushtrimin e kontrollit të gjithë Kosovës me masa që përfshijnë “bullizmin ilegal”, dhunën dhe “eliminimin” e atyre që “duken si kundërshtarë”.
Sipas letrës, UÇK-ja përfshinte në këtë grup “kundërshtarësh” persona që “bashkëpunonin apo kishin lidhje” me forcat apo autoritetet serbe apo ata “që nuk përkrahnin objektivat apo synimet” e grupit gueril dhe, më vonë, të “Qeveria e Përkohshme e Kosovës”, duke përfshirë njerëz “të lidhur” me partinë Lidhja Demokratike e Kosovës (LDK), komunitetin serb, romët dhe grupet e tjera etnike. Të gjithë të pandehurit janë deklaruar të pafajshëm.
Gjyqi shënon një ribashkim të Kosovës me të kaluarën e saj. Veteranët e luftës kanë shpallur thirrjen për protesta gjatë gjithë procesit mes lutjeve të të mbijetuarve për gjyqin për të hedhur dritë mbi fatin e më shumë se 1600 personave që u zhdukën pas luftës, sipas të dhënave nga Kombet e Bashkuara dhe Komiteti Ndërkombëtar të Kryqit të Kuq (KNKK).
Për përgjegjësin e komunikimit për Evropën e OJQ-së Human Rights Watch (HRW), Jan Kooy, hapja e gjyqit në Hagë kundër Thaçit dhe shokëve të tij “zbulon mungesën flagrante të drejtësisë që ka karakterizuar konfliktin në Kosovë dhe, në fakt të gjitha luftërat e ish-Jugosllavisë”.
HRW shpreh gjithashtu dëshirën e saj që ky rast të shërbejë si shkas për një proces më të gjerë të llogaridhënies. Në Serbi, një gjykatë për krimet e luftës ka gjykuar 60 persona për krime në Kosovë dhe ka dënuar 23 prej tyre, por, siç kujton HRW, “qeveria serbe nuk ka treguar vullnet politik për të ndjekur penalisht askënd mbi forcat e nivelit të ulët“, dhe disa raste kanë vazhduar me vite.
“Gjyqi i Thaçit mund të ndihmojë në vendosjen e Kosovës në një rrugë më të qartë drejt drejtësisë dhe sundimit të ligjit pas një historie shtypjeje“, tha drejtori i HRW për Evropën dhe Azinë Qendrore, Hugh Williamson. “Dhe e vë në qendër të vëmendjes drejtpërdrejt qeverinë serbe që t’i mbajë forcat e veta përgjegjëse pas viteve të mbrojtjes së atyre që janë përgjegjës për krime të rënda“, shtoi ai. /Europa Press
/Shqip.com
