Spitali Klinik në Shtip është në fazat e fundit të shpalljes së rekrutimit të 18 personave, por zbatimi i tij do të presë deri në fund të zgjedhjeve lokale. Drejtori i spitalit, Vladko Zahariev, deklaroi sot se vendimi për punësimet e reja është marrë, por Komisioni Shtetëror për Parandalimin e Korrupsionit (KSHPK) nuk lejon nënshkrimin e vendimeve gjatë periudhës zgjedhore.
– Procedura për shpalljen e 18 punësimeve është përfunduar, intervistat janë kryer, vendimi është marrë, periudha e ankesave ka kaluar, por ende duhet të presim përfundimin e zgjedhjeve që të mund të nënshkruhen vendimet – deklaroi Zahariev.
Ai njoftoi se është në proces një tjetër shpallje që do të parashikojë 25 punësime të reja, kryesisht në stafin teknik dhe mbështetës, ku spitali ka mungesën më të madhe.
