Mbrëmë (23-janar) rreth orës 01:20, në rrugën
lokale Pirok-Rakovec të Tetovës, zyrtarë policorë të
SPB-Tetovë kanë privuar nga liria 27-vjeçarin B.I. nga
Piroku i Tetovës. Gjatë kontrollit të kryer ndaj tij dhe në
veturën “Opel Vektra” me targa regjistrimi sllovene, të
cilën e kishte drejtuar dhe në të cilën janë transportuar
edhe dy persona të tjerë nga i njëjti fshat, është gjetur
dhe konfiskuar marihuanë. I njëjti është ndaluar në
Stacionin Policor të Tetovës dhe pas dokumentimit të
plotë të rastit do të përpilohet parashtresë përkatëse.
……
Mbrëmjen e djeshme (22-janar) në orën 23:45,
18-vjeçari B.J. nga Pallatica e Tetovës ka raportuar në
SPB-Tetovë se rreth orës 21:00 në një objekt hotelierik
në fshat është sulmuar fizikisht nga një i mitur,
bashkëfshatar i tij. Sipas raportit, në sulm sulmuesi ka
përdorur edhe një boksier metalik. Po merren masa për
pastrimin dhe dokumentimin e plotë të rastit.
Njëzet e pesë vjeçari, banor i një fshati të
Tetovës, dje (22-janar) në orën 12:00 në SPB-Tetovë ka
raportuar se gjatë vitit 2022 një grua nga Koçani, me të
cilën ai kishte kontaktuar më parë, i kishte premtuar se
do t’i sigurojë dokumente bullgare dhe në këmbim ai
kishte paguar një kompensim të caktuar monetar.
Mirëpo, deri më tani ai as nuk i ka marrë dokumentet
dhe as nuk i janë kthyer paratë. Rasti është duke u
zbardhur dhe dokumentuar.
Mbrëmë (23- janar) në orën 02:00 në SPB-Tetovë
është raportuar se në rrugën rajonale Tetovë-Vollkovi në
Bërvenicë të Tetovës vetura “Volkswagen Kedy” me
targa të Tetovës ka dalë nga rruga. Në aksident lëndime
të rënda ka pësuar shoferi I.S.(21) nga Bërvenica, të
cilat janë konfirmuar në Spitalin klinik të Tetovës. Ekipi
nga SPB Tetovë ka kryer këqyrje të vendit të aksidentit.
…….
Dje (22-janar) në ora 08:15, personi M.S. (65)
nga Tetova në SPB-Tetovë ka raportuar se në rrugën
“Boris Kidriç,, është kafshuar nga një qen endacak.
…….
Pesëdhjetë e shtatë vjeçarja L.K.S. nga Shkupi,
dje (22-janar) në ora 12:45 në SPB-Tetovë ka raportuar
se në rrugën rajonale Zherovjan-Radiovcë është
kafshuar nga një qen endacak.
…….
Tridhjet e pesë vjeçari F.R. nga Gostivari, dje
(22-janar) në ora 20:00 në SPB-Tetovë ka raportuar se
në rrugën “Ilia Antevski-Smok” në Gostivar është
sulmuar nga qen endacakë dhe duke ikur prej tyre është
rëzuar dhe ka pësuar lëndime të rënda trupore, të cilat
janë konstatuar në Spitalin e Përgjithshëm “Ferid Murad”
në Gostivar.
……
