Për kujtim, dita e parë e pranverës 2025 për banorët e hemisferës veriore është sot, dhe ajo filloi saktësisht në orën 10:01 paradite. Në të njëjtën kohë, vjeshta filloi për banorët e hemisferës jugore.Me ardhjen e pranverës ndodh edhe ndryshimi i orës, ku akrepat lëvizin 60 minuta përpara.
Në natën mes të shtunës dhe të dielës, më 30 mars do të kthehet ora e verës.
Ndryshimi do të bëhet në orën 02:00, kur akrepat do të kapërcejnë direkt në 03:00. Në këmbim të një ore gjumë më pak do të kemi një orë dritë më shumë.
Në këtë mënyrë kthehet ora verore, e cila do të na “dhurojë” me shumë dritë në mbrëmje dhe më shumë orë me diell gjatë ditës.
Në pranverë, e gjithë Europa kalon në orën e verës për të optimizuar përdorimin e rrezeve të diellit dhe rrjedhimisht konsumon më pak energji elektrike.
Orari veror do të vazhdojë deri nw fund tw tetorit, kur do të kthehet ora diellore.
Ndryshimi i akrepave është një proces i unifikuar në gjithë Evropën, ora e shteteve evropiane ndryshon në të njëjtën kohë. Ndryshimi i saj u vendos si ligj evropian në vitin 1981.
