Për shkak se nuk kanë ujë, banorët e fshatit Pallçisht të komunës së Bogovinës bllokuan rrugën në shenjë proteste. Ata thonë se kanë rënë dakord me kryetarin e komunës për disa kërkesa, por që sipas tyre të njëjtat nuk janë realizuar. Të revoltuar thonë se protestat do të radikalizohen dhe se nuk e kanë në plan të tërhiqen.
Ne kemi nevojë për ujë. Ne ujë nuk kemi, premtime kemi pasur plotë, premtime kemi pasur çdo vit. Premtimi më ka ardhur në fund, kemi një dokument nga ana e kryetarit të komunës, se me 15 korrik është dashtë të bëjmë protestë, na ka vazhduar protestën për 10 ditë. Afati i ka kaluar, kryetari komunës nuk ka ardhur të bisedojë me bashkësinë lokale, domethënë akoma është në gjumë.”
“Do ishte mirë të organizohemi ta sjellim ujin. Komuna le të qëndron atje, ne ata aftësitë i kemi ta bëjmë vetë ujin edhe ata le të qëndrojnë me premtimet e veta.”
Vetë fati se sot kemi dalë në vitin 22 të protestojmë për ujë është turp që nuk mbulohet. Këta 30 vite të tranzicionit i vetmi fshat për shkaqe të ndryshme anashkalohet i vetmi fshat që nuk ka ujë të pijshëm.”
Por kryetari i komunës Besnik Emshiu thotë se kjo protestë është politik.
Në vendbanimin Pallçisht, kamë qenë në vizitë jo njëherë por katër apo pesë herë te rezervuari. Atje për momentin hynë sasi e mjaftueshme e ujit që unë them lirishtë sa për dy tre fshatra si Pallçishti, por ka keqpërdorime të ujit, për shkak të mungesës së orëve në terren. Gjendja ka qenë kështu edhe më herët por edhe tash është njësoj. Ne pasi të bëjmë projektin e ujit për pije do vendosim edhe orët që mos ketë keqpërdorim të ujit.”- deklaroi Besnik Emshiu, Kryetar i komunës së Bogovinës.
Banorët kanë paralajmëruar që protestën e radhës do ta mbajnë para komunës së Bogovinës, ndërsa paralajmërojnë se nuk do mbajnë përgjegjësi nëse e njëjta eskalon.
