Shefi i NATO-s, Jens Stoltenberg ka folur të enjten për situatën e sigurisë në Kosovë, gjersa ka theksuar se NATO ka rritur numrin e ushtarëve në Kosovë.
Stoltenberg pas takimit me presidentin malazez, Jakov Milatoviq inkurajoi Kosovën dhe Serbinë për mirëbesim.
“Takimi i mirë me presidentin malazez Jakov Milatoviq për të përgatitur Samitin e NATO-s në korrik. E falënderova për kontributin e Malit të Zi në NATO dhe për rolin e tij në promovimin e paqes dhe stabilitetit në Kosovë. Ne kemi rritur praninë e KFOR-it dhe inkurajojmë të dyja palët të angazhohen në mirëbesim”, shkruan shefi i NATO-s.
Ndryshe, pas tensionimit të situatës në veri NATO ka shtuar trupat e saj në Kosovë.
Në protestën e dhunshme të 26 majit në veri të vendit, 30 ushtarë të KFOR-it u lënduan nga grupe kriminale.
