Shtëpia e Bardhë falënderoi sot Elon Musk për shërbimet e tij, pasi miliarderi njoftoi se kishte përfunduar misionin e tij për të ulur shpenzimet publike në administratën e Donald Trump.“Ne e falënderojmë atë për punën e tij.” “E falënderojmë për prezantimin e DOGE-it (red. emri i komitetit të tij për efikasitetin qeveritar) dhe përpjekjet për të zvogëluar shpërdorimet, mashtrimet dhe abuzimin do të vazhdojnë”, u tha gazetarëve zëdhënësja e Shtëpisë së Bardhë, Caroline Levitt.
Anëtarët e kabinetit në administratën e Presidentit Trump do të punojnë me stafin e Departamentit të Efikasitetit të Qeverisë në agjenci të ndryshme federale për të çuar përpara përpjekjet e vazhdueshme, tha zëdhënësja.Sekretarët e kabinetit “po punojnë ngushtë me Elon Musk dhe do të vazhdojnë të punojnë me zyrtarët e tyre përkatës të DOGE-së që janë emëruar politikisht në të gjitha këto agjenci”, tha Levitt.
Në të njëjtën kohë, ajo nuk donte të komentonte më tej për largimin e biznesmenit miliarder, i cili kritikoi aleatin e tij të madh Donald Trump për herë të parë këtë javë. Musk tha të mërkurën se kishte përfunduar misionin e tij për të ulur shpenzimet publike pas katër muajsh.
“Ndërsa mandati im i planifikuar si punonjës i posaçëm qeveritar po mbaron, dua të falënderoj Presidentin Donald Trump që më dha mundësinë të zvogëloj shpenzimet e panevojshme”, shkroi biznesmeni në platformën e tij të rrjeteve sociale X.
“Misioni ‘DOGE’ do të forcohet më tej në të ardhmen për t’u bërë një mënyrë jetese në qeveri”, tha kryetari i Tesla-s, SpaceX dhe Platform X
