KF Shkëndija nga Tetova për herë të parë do të luajë në Ligën e Konferencës, kampionati i nivelit të tretë në futbollit evropian, organizuar nga UEFA
Slovan Bratislava e Sllovakisë, Rayo Vallacano e Spanjës, Jagellonia e Polonisë, Drita e Kosovës, Shelbourne e Irlandës dhe AEK-I i Qipros do të jenë kundërshtarët e Shkëndijës në grup. Shkëndija tri ndeshje do t’i luan në Shkup (kundër Sllovanit, Jagiellonit dhe Shelbournit), ndërsa tri tjera si mysafir.
Ndeshja Drita – Shkëndija pritet të luhet në Prishtinë. Oraret e ndeshjeve do të shpalosen më 31 gusht.
“Shkëndija do të përballet me gjashtë kundërshtarë në kuadër të fazës së ligës, ku 36 skuadra garojnë për një vend në fazën me eliminim direkt”, njoftoi Shkëndija, pasi sot u hodh shorti në Monako.
Ndryshe, ndeshjet e fazës së parë do të fillojnë më 2 tetor dhe do të mbarojnë më 18 dhjetor. Tetë ekipet e para kualifikohen direkt, ndërsa ekipet tjera që gjenden prej pozitës ë 9-të e deri në të 24-tën do të luajnë play-off.
