Shefi i diplomacisë turke Hakan Fidan ka deklaruar se Turqia është një vend i cili ka mbështetur historikisht pavarësinë e Kosovës dhe do të vazhdojë ta bëjë këtë.
Duke iu drejtuar tensioneve midis Serbisë dhe Kosovës, Fidan tha se Turqia “po luan një rol të jashtëzakonshëm” në përpjekjen për t’i lehtësuar ato.
“Turqia paraqet profilin e një shteti të pjekur që njeh interesat e Serbisë në disa fusha. Ne mund të diskutojmë këto interesa përderisa nuk ka çështje në lidhje me pavarësinë e Bosnjës dhe Kosovës”, tha ai në një intervistë për Anadolu.
Ai ka theksuar se presidenti turk Recep Tayyip Erdogan ka një vizion për sigurimin e paqes dhe stabilitetit në Ballkan me përgjegjësi historike.
