Sekretarja amerikane e Thesarit Janet Yellen do të takohet me anëtarët e Kongresit të SHBA për të diskutuar një ngrirje të mundshme të rezervave të arit të Rusisë.
Masa vjen pasi disa zyrtarë prezantuan një projekt-ligj që ndalon arin rus, i cili duhet të fokusohet në aftësinë e Rusisë për të shitur rezervat e saj të arit për të shmangur ndikimin e sanksioneve.
Sanksionet aktuale të vendosura ndaj zyrtarëve rusë, bankës qendrore, presidentit Vladimir Putin dhe masave të tjera nuk ndikojnë në rezervat e arit të Rusisë që Putini ka akumuluar vitet e fundit.
Rusia ka rreth 130 miliardë dollarë rezerva ari, sipas anëtarëve të Kongresit amerikan.
