Senati Amerikan ditën e sotme, 3 Janar njoftoi se ka kthyer propozimin për emërimin e David Kostelancik si ambasador në Shqipëri. Propozimi për Kostelancik i është kthyer presidentit amerikan, Joe Biden sipas rregullit ndëra Senati nuk e ka konfirmuar dhe as refuzuar kandidaturën brenda afatit që ka në dispozicion.
Biden mund të rinominojë kandidatin e kthyer Kostelancik ose të nominojë një emër të ri për postin e ambasadorit në Shqipëri. Kostelancik është kandidatura e propozuar nga presidenti amerikan, Joe Biden në Janar të vitit 2023 si ambasador të Shqipërisë në SHBA pas largimit të Yuri Kim.
Ndërkohë më 20 Janar do të bëhet betimi i presidentit të ri Trump, ndaj pritet që ai të emërojë ambasadorin e ri siç ka vepruar tashmë me shtetet e tjera. Aktualisht në ambasadën amerikane në vendin tonë e drejton e ngarkuara me Punë e SHBA-së në Tiranë, Nancy VanHorn.
Kandidatura e Kostelancik ngeci në senatin amerikan në 24 shtator 2024. Jeanne Shaheen, Senatore nga Hampshire paraqiti një mocion mbështetës për ta miratur këtë kandidaturë por kolegu i saj Mike Lee e kundërshtoi kandidaturën. Lee u shpreh se Kostelancik ka provuar se nuk mund të përmbush zbatimin e detyrave në mbrojtjes të interesave të SHBA.
Sipas tij performanca e Kostelancik në Hungari si i dërguar me punë duhet ta diskualifikojë në pasjen e një mandati diplomatik. Më tej Lee theksoi se ai u përfshi në politikën e brendëshme hungareze, sulmoi lirinë e medias dhe u përfshi në aktivizëm social.
