Sekretari amerikan i Shtetit, Anthony Blinken, i bëri thirrje Serbisë që të lejojë mbajtjen e Europride.
Ai shkroi në Twitter se “liria e tubimit dhe shprehjes paqësore është një komponent thelbësor i një demokracie të shëndetshme”.
“Unë i bëj thirrje Serbisë që të qëndrojë konsistente me vendimin e saj për të pritur Europride në vitin 2022. Të drejtat LGBTKI+ janë të drejta të njeriut”, nënvizoi Blinken.
Presidenti serb Aleksandar Vuçiq tha se Europride duhet të shtyhet ose anulohet, ndërsa Qeveria e Serbisë informoi se në këtë moment nuk ka kushte për mbajtje të sigurt.
Europride ishte menduar të mbahej nga 12 deri më 18 shtator në Beograd.
