Greva në arsim është lënë në “ler”, nga nesër nxënësit duhet të kthehen në mësim. Nëse nuk arrihet marrëveshje me Ministrinë e Punës dhe Politikës Sociale, greva do të aktivizohtet.
Sindikata e Arsimit, Shkencës dhe Kulturës (SASHK) po e pezullon grevën dhe nxënësit do të fillojnë mësimin nga nesër. Shkak për këtë vendim të SASHK-ut është bërë njoftimi i marrë nga Ministria e Punës dhe Politikës Sociale për zgjidhje paqësore të kontesteve të punës.
Kryetari i SASHK-ut, Jakim Nedelkov tha pasditen e sotme se pas konsultimeve me subjektet juridike është marrë vendim që greva të ndërpritet derisa të zgjidhet mosmarrëveshja.
“Kjo është vetëm respektim i ligjit, nëse nuk jemi dakord do ta riaktivizojmë grevën. “Ne jemi të bindur se në periudhën e pajtimit do të gjejmë zgjidhjet e duhura dhe se nuk do të ketë nevojë për aktivizim të grevës”, tha Nedelkov.
Ai shpreson që pagat të rriten, mëditjet gjatë grevës të mos hiqen dhe të nënshkruhen kontrata kolektive dhe të përcaktohen afatet. telegrami.mk
