Përdorimi i kartelave bankare në Maqedoninë e Veriut ka shënuar rritje gjatë vitit 2024, si nga numri ashtu edhe nga vlera e pagesave.
“Pagesat me kartela pagesore për blerjen e produkteve dhe shërbimeve në vend në vitin 2024 shënuan rritje vjetore prej 14.6% në numër dhe 15.4% në vlerë”, raportoi Banka Popullore në RMV, ashtu që deri në fund të vitit ishin shpërndarë gjithsej 1.9 milionë kartela në krejt Maqedoninë e Veriut.
Banka theksoi që përdorimi i kanaleve digjitale ka shënuar rritje gjatë pagesave, ashtu që përdorimi i aplikacioneve celulare shënon rritje vjetore prej 47,3% në numër, ose 72,1% te vlera e transaksioneve të kryera.
“Gjatë vitit 2024, qytetarët përdorën më shumë transfertat e kreditit (të ashtuquajturat urdhërpagesa) për të kryer pagesat në vend krahasuar me një vit më parë, duke shënuar një rritje vjetore prej 11.2% në numër dhe 16.3% në vlerë”, raportoi Banka.
Në digjitalizimin e pagesave ka ndikuar edhe rritja për 8.3 % e numrit të pajisjeve për pranimin e pagesave me kartela pagesore, duke arritur në 34 778 pajisje të instaluara, ndërsa për 4.4 përqind kemi rritje vjetor të numrit të tregtarëve që pranojnë kartela pagesore gjatë shitjes.
