I gjithë territori i vendit është përfshirë nga moti i keq me reshje të dendura shiu të shoqëruara me stuhi pasditen e ditës së sotme.
Si pasojë e reshjeve disa prej rrugëve kryesore të kryeqytetit si Rruga e Barrikadave, Rruga e Elbasanit dhe ‘9 katëshet’ janë përmbytur duke vështirësuar qarkullimin e mjeteve dhe njerëzve.
Moti i paqendrueshëm ka larguar pushuesit edhe nga plazhet e Vlorës. Kjo ka sjellë edhe më shumë trafik në lëvizjen e automjeteve.
Moti i keq solli dhe rrëshkitjen e një masivi dheu në një fshat të Korçës ku rrezikohet një urë që lidh banorët e fshatit me qytetin.
