Kryeministri i Shqipërisë, Edi Rama bëri me dije se në botë po bëhen plane për mbylljen e bizneseve për shkak të çmimeve të larta të energjisë elektrike, por edhe mungesës së energjisë elektrike gjatë dimrit. Ai i dërgoi edhe një mesazh BE-së: “Mos bëni të njëjtën situatë si në pandemi, kur Ballkani vrapoi i vetëm për të kërkuar vaksina, dhe ju u mbyllët”.
“Po bëhen plane për ndërprerjen e energjisë elektrike, që duket sikur kanë dalë nga kapitujt e disa librave të Saramandes, jo nga BE-ja. Këto janë plane që përfshijnë fikjen e energjisë elektrike, ndriçimin e shkollave, dritat në dyqane, që do të thotë se restorantet, kafeteritë, klubet do të mbyllen. Kjo do të thotë mbyllja e jetës në orën 10 të mëngjesit, ashtu siç ndodhi gjatë pandemisë, për të kursyer energjinë elektrike. Folëm se sa do të na kushtojë, si mund ta bëjmë më të lehtë për qytetarët”, tha Rama.
Ai i bëri thirrje Brukselit: “Ne po kërkojmë mbështetje financiare, përtej mbështetjes buxhetore”. Kostot do të jenë të pabesueshme!”.
“Ne në Shqipëri morëm një vendim që nuk jam i bindur se është ambicioz apo një ide e çmendur. Për të mos ndryshuar çmimin e energjisë elektrike për familjet dhe bizneset e vogla dhe për të pasur të njëjtin çmim si para krizës energjetike, paguajmë qindra milionë euro nga buxheti i shtetit për të përballuar shpenzimet. Mund të kesh para, por të mos gjesh rrymë për ta blerë, prandaj na duhet ky lloj bashkëpunimi. Edhe sot dua t’i drejtohem BE-së, të apeloj, mbase do ta përsëris veten, të mos bëjmë të njëjtin turp gjatë pandemisë – kujtojmë se si vendet e Ballkanit duhej të vraponin drejt Rusisë, Kinës, Turqisë për vaksina. Sepse BE-ja u mbyll dhe kujdesej vetëm për vendet anëtare”, shtoi Rama.
