Tarifat e vendosura nga Shtetet e Bashkuara për importin e produkteve të Maqedonisë në vlerë prej 33%, sipas Qeverisë, ishin të pritura dhe nuk do të ndikojnë dukshëm në ekonominë tonë. Nga ekzekutivi thonë se kanë një plan për tejkalimin e situatës dhe nuk ka vend për panik.
“Ky është një vendim i pritur i administratës amerikane, i cili nuk ka shmangur asnjë vend në botë. Ekipet qeveritare kanë kohë që po analizojnë pasojat e mundshme dhe së bashku kemi përgatitur një plan për tejkalimin e situatës. Ky vendim nuk do të ketë një ndikim të madh në ekonominë tonë, por ne kemi një plan të qartë se si të vazhdojmë. Kontaktet me administratën amerikane tashmë janë vendosur dhe do të vazhdojnë në nivel të lartë” – thuhet në njoftim.
