Në Drenovec është hapur zyrtarisht shtabi zgjedhor i kandidatit për kryetar të Tetovës, Bajram Rexhepi (AKI). Në këtë tubim mori pjesë edhe Qefali Avziu nga Aleanca për Shqiptarët (ASH), duke i dhënë fund zërave që qarkulluan ditë më parë në portale se ai ishte ndarë nga Rexhepi.
Avziu u shfaq krah për krah me kandidatin Rexhepi, duke theksuar se mbetet i palëkundur në mbështetjen e tij dhe se bashkë do të punojnë për një Tetovë të zhvilluar, të bashkuar dhe me dinjitet.
“Shtabi i Drenovecit është gati për fitore madhështore. Bashkë për Tetovën që e duan qytetarët, një Tetovë me zhvillim, unitet dhe dinjitet,” u tha në hapje.
Ky veprim shihet si një mesazh i qartë për konsolidimin e mbështetjes rreth kandidaturës së Rexhepit, në kohën kur spekulimet për ndarje kishin krijuar paqartësi te opinioni publik./Top24
