Autoritetet ukrainase thonë se rusët planifikojnë t’i japin fund luftës në Ukrainë deri më 9 maj.
Shtabi i Përgjithshëm i Forcave të Armatosura të Ukrainës deklaron se presidenti rus Vladimir Putin ka përcaktuar se kur do të përfundojë lufta në Ukrainë. Ata thonë se propaganda ruse imponon idenë se “lufta duhet të përfundojë para 9 majit 2022”.
Rusia feston Ditën e Fitores në Sheshin e Kuq të Moskës më 9 maj për të shënuar kapitullimin e Gjermanisë naziste dhe fundin e Luftës së Dytë Botërore. Këtë datë e ka bërë të ditur Shtabi i Përgjithshëm i Forcave të Armatosura të Ukrainës përmes një postimi në Facebook.
“Sipas informacioneve të disponueshme, në radhët e forcave të armatosura të Federatës Ruse po kryhet vazhdimisht punë propagandistike, e cila imponon idenë se lufta duhet të përfundojë para 9 majit 2022.
Deklarata gjithashtu pretendon se objektet mjekësore ruse të vendosura në territorin afër kufirit me Ukrainën ishin të mbushura me ushtarë rusë të plagosur që morën pjesë në luftë dhe hasën në njësi të forcave të mbrojtjes.
“Armiku po merr urgjentisht masa për të rivendosur aftësinë luftarake të njësive ajrore që kanë pësuar humbje kritike në fuqi punëtore dhe pajisje ushtarake.
Forcat e armatosura të Ukrainës thanë se “pushtuesit rusë po përballen me vështirësi të mëdha në qytetet ukrainase dhe nuk kanë mbështetjen e popullatës lokale”.
