www.telegrami.mk
Pse Bilall Kasamit i ngutet deri 31 mars uji i pijshëm në Tetovë të jepet me koncesion dhe jo të menaxhohet nga komuna?Buxhetin e ndërmarjeve publike ende nuk e ka kaluar në Këshillin Komunal dhe i ngutet për arsye …Pritet edhe një mbledhje urgjente nga Bilall Kasami pasi deri në 31 Mars 2026 kur është afati i fundit për kalimin e buxhetit vjetor të ndërmarjeve publike të mbahet në Këshillin Komunal …dardha nuk ka bisht …bishtin e ka pre vetë Bliall Kasami.
Vendimi i kryetarit të komunës së Tetovës, Bilall Kasami, për ta dhënë menaxhimin e ujit të pijshëm me koncesion në formë partneriteti publiko-privat ka hapur debat të gjerë në opinionin publik. Një çështje kaq jetike si furnizimi me ujë ngre pyetje serioze për transparencën, interesin publik dhe përgjegjësinë institucionale.
Së pari, uji i pijshëm konsiderohet një e drejtë themelore dhe një shërbim esencial që duhet të mbetet nën kontrollin publik. Menaxhimi nga komuna garanton që prioritet të ketë qytetari dhe jo fitimi financiar. Kur ky shërbim i jepet një kompanie private, ekziston rreziku që interesi ekonomik të vendoset mbi cilësinë dhe përballueshmërinë e shërbimit.
Së dyti, përvoja nga qytete të ndryshme në RMV ka treguar se partneritetet publiko-private në sektorin e ujit shpesh shoqërohen me rritje të çmimeve dhe ulje të transparencës. Qytetarët kanë më pak mundësi kontrolli dhe llogaridhënieje ndaj një operatori privat sesa ndaj institucioneve të zgjedhura.
Një tjetër shqetësim është mungesa e një debati të gjerë publik dhe konsultimeve me qytetarët për një vendim kaq të rëndësishëm. Vendime të tilla duhet të merren me përfshirje të ekspertëve, shoqërisë civile dhe vetë banorëve të Tetovës,jo administratës së Bilall Kasamit
Në vend që të privatizohet menaxhimi i ujit, komuna duhet të fokusohet në përmirësimin e kapaciteteve të saj, investimet në infrastrukturë dhe rritjen e efikasitetit të ndërmarrjeve publike. Kjo do të siguronte një shërbim më të qëndrueshëm, transparent dhe në interes të drejtpërdrejtë të qytetarëve.
Në fund, mbetet e rëndësishme që institucionet lokale të japin sqarime të plota për këtë vendim dhe të garantojnë se interesi publik nuk do të cenohet. Uji nuk është thjesht një shërbim – është një burim jetik që duhet të mbrohet dhe menaxhohet me përgjegjësi maksimale…www.telegrami.mk
nesër (pjesa 3)
