Pas hetimit të plotë të ngjarjes, Prokuroria Themelore Publike e Shkupit ka ngritur aktakuzë kundër një personi për sulm ndaj kryetares së Shkupit, Danella Arsovska. Më 11 korrik, në rrugën “Sevastopolska” në Shkup, i pandehuri ka ushtruar dhunë ndaj kryetares Arsovska, duke i shkaktuar asaj dëmtime trupore dhe një ndjenjë pasigurie, kërcënimi dhe frike në publik – thonë nga prokuroria.Një person tjetër ishte raportuar, por sipas Prokurorisë nuk ka prova materiale ose verbale kundër tij. Prokurori ka dorëzuar në Gjykatë edhe propozim për vazhdimin e masës së paraburgimit që ishte caktuar më parë për të pandehurin.
© Telegrami.mk