Profesori Neset Izairi ka reaguar ndaj deklaratës së Fatmir Limanit, i cili tha se “pas 1 Majit do ta largojmë Arben Taravarin nga qeveria”. Përmes një postimi publik, Izairi ka dënuar ashpër këtë qasje, duke i quajtur kërcënimet e tilla të papranueshme dhe të dëmshme për demokracinë.“Kërcënimet politike të stilit autokrat nuk i shërbejnë as demokracisë dhe as qytetarëve. Arben Taravari nuk është peng i askujt dhe askush nuk ka të drejtë ta largojë me fjalë boshe. Qeveria nuk është një kafene ku shpërndahen karriget sipas tekeve të radhës. Vendos qytetari, jo pazari,” ka shkruar Izairi.
