Nëse Rusia pushton Ukrainën, pika më e cenueshme në Ballkanin Perëndimor mund të jetë Banja Luka, është i shqetësuar presidenti i Maqedonisë së Veriut, Stevo Pendarovski.
Të premten, presidenti i Maqedonisë së Veriut, Stevo Pendarovski, shprehu shqetësimin se nëse Rusia pushton Ukrainën, pika më e cenueshme në Ballkanin Perëndimor mund të jetë Banja Luka.
Ai tha gjithashtu se një numër i njerëzve në vendin e tij simpatizojnë Putinin dhe se populli maqedonas ka ndjenja miqësore ndaj Rusisë, për shkak të “fesë, gjuhës dhe etnisë sllave”, sipas Al Jazeera Balkans.
Pendarovski gjithashtu theksoi se është veçanërisht shqetësuese që më shumë se 40 për qind e publikut në Maqedoninë e Veriut mendojnë se Bashkimi Euroaziatik është alternativë ndaj Bashkimit Evropian, por edhe se disa parti janë mbizotëruese për atë opsion, gjë që mund të jetë problem në proceset e ardhshme.
