Presidenti i Shqipërisë, Bajram Begaj sot në Shkup ka takuar edhe kreun e Bashkimit Demokratik për Integrim, Ali Ahmeti.
Gjatë qëndrimit transitor në Shkup pas kthimit nga vizita në Sofje, presidenti Begaj takoi edhe kryetarin e ASH-së, Arben Taravari.Presidenti i Republikës së Shqipërisë, Bajram Begaj në Shkup është takuar me liderin e BDI-së, Ali Ahmetin, por edhe me liderin e krahut të ASH-së, Arben Taravarin.
“Bashkë me Sekretarin e Përgjithshëm të ASH-së Blerant Ramadani, kisha një takim vëllezëror me presidentin Bajram Begaj!” – ka shkruar Taravari në Facebook.
Para dy dite, të enjten e 3 prillit, presidenti Bajram Begaj gjatë rrugës për në Sofje të Bullgarisë, ku shkoi për forumin “The Aqaba Process Balkans Forum III”, takoi në Shkup kreun e Lëvizjes Demokratike, njëherë edhe zëvendëskryeministrin e parë, Izet Mexhiti, kreun e Kuvendit Afrim Gashi dhe zëvendëskryeministrin Arben Fetai.
