Policia gjyqësore ankohet se është diskriminuar në ndryshimet në Ligjin për Shërbimet Gjyqësore. Kryetari i Sindikatës së Pavarur të Policisë Gjyqësore, Vladimir Litovski, thotë se të gjithë punëtorëve të tjerë në gjykata u janë rritur pagat për 15%, ndërsa vetëm policëve për 2%.
Gjatë protestës Litovski u thirr nga ministri Nikolla Tupancevski. Ai premtoi se deri në fund të javës do të bisedojë me Ministrinë e Financave për të plotësuar kërkesën për rritjen e pagës bazë me 15%. Litovski shtoi se shpeshherë ndodh që zyrtarët e gjykatës të harrohen.
Policët protestues i dhanë afat ministrit Tupancevski deri në fund të javës për ta përmbushur kërkesën e tyre, në të kundërtën paralajmëruan se do të vendosin tenda para ministrisë deri në plotësimin e kërkesës së tyre. Litovski u ankua edhe për mungesën e kuadrove dhe tha se në vend janë rreth 180 policë gjyqësorë.
