Filarmonia e Kosovës më 23 mars të vitit të kaluar kishte mbajtur një koncert të jashtëzakonshëm në Paris të Francës.
Ky koncert i cili ishte përgatitur për nder të 20 vjetorit të çlirimit të Kosovës u luajt nga solistët, kori, Orkestra e Filarmonisë së Kosovës dhe me dirigjent Baki Jasharin.
Koncertin për Paqe u mbajt në Muzeun e Armatës, në Kishën Shën Lui në Paris. Kisha Shën Liu është e njohur në të gjithë botë.
Me këtë rast u interpretua vepra ‘Njeri me armë’ kompozuar nga kompozitori britanik Karl Jenkins, ku kjo vepër është bërë nga ai në vitin 1999 dhe i kushtohet viktimave të fundit në Kosovë.
Mirëpo, ajo që nuk ishte përmendur gjatë këtij koncerti, ishte fakti se para shumë të pranishmeve u thirr në mënyrë të mrekullueshme ezani.
Këtë e bëri Liridon Sadriu, i cili edhe ishte pjesë e Filarmonisë të Kosovës në këtë Koncert.
Mirëpo, aso kohe nuk ishte përmendur një fakt se kush e mundësoi këtë koncert dhe thirrjen e ezanit.
Kjo në një formë u zbulua nga ambasadori i Kosovës në Francë, Qëndrim Gashi, i cili dy ditët e fundit është pre e sulmeve dhe kërcënimeve të shumta për shkak të publikimit të një artikulli të gazetës franceze “Le Figaro” ku u shfaqen karikaturat e profetit Muhamed.
Ambasadori Gashi në sqarimin e tij të lëshuar në Facebook ndër tjerash përmend edhe ezanin në Kishën e Parisit.
“Ironia është se vitin e kaluar në Paris unë isha cak i sulmeve që vinin nga një “krah tjetër”, edhe pse më duhet ta them se në atë rast asnjë kërcënim fizik nuk e pata pranuar. Bëhet fjalë për veprën e famshme të Karl Jenkins “Njeriu i Armatosur: Një meshë për paqe”, ku autori e inkorporon edhe ezanin. Kjo vepër u ekzekutua shkëlqyeshëm nga Filarmonia e Kosovës në katedralen e njohur Saint-Louis e cila njihet për simbolikën e fortë – në oborrin e saj bëhen homazhet kombëtare për personalitete civile e ushtarake. Ezani në një kishë! ‘Skandal’ shkruanin ekstremistët e krishterë. Unë nuk e censuroj artin”, ka shkruar Gashi.
Dëgjojeni thirrjen e ezanit në Kishën e njohur franceze:
