Pjesëmarrja në zgjedhjet lokale deri në orën 11:15 të mëngjesit ishte 9.38 përqind, njoftoi Komisioni Shtetëror i Zgjedhjeve.
Sipas KSHZ-së, deri në orën 11:15 të mëngjesit ishin marrë të dhëna nga 3,139 qendra votimi, ku votuan 154,275 qytetarë, nga një total prej 1,645,583 votuesish të regjistruar, ose 9.38 përqind, tha zëdhënësja e KSHZ-së, Radica Todorovska Aleksovska, në një konferencë për shtyp.
Siç theksoi ajo, KSHZ-ja nuk ka marrë asnjë informacion nga bordet zgjedhore për ndonjë problem apo shqetësim.
Sipas të dhënave të KSHZ-së, komunat me pjesëmarrje më të madhe ishin Berova 13,51 për qind, Bogdanci 14,55, Butel 10, Vevçani 16,02, Vinica, 10,76, Gjevgjelia, 12,81, Gradsko 15,27, Debrca 15,61, Debrca 15,76, Demiri 15,76, Kriva Pallanka 16,85, Krusheva 16,97, Novaci 19,3 Probishtip, 17,64, Rankovci, 15,5, dhe Çashka 22,60 për qind.
Komunat me pjesëmarrje më të ulët ishin Sopishtë 3,93 për qind, Qendra Zhupa 4,89 për qind, Bogovina 4,48 për qind dhe Vrapçishtja 2,54 për qind.
Zgjedhjet po monitorohen nga 1,484 vëzhgues, nga të cilët 800 janë vendas, 645 janë ndërkombëtarë dhe 14 janë gazetarë të huaj.
