Edhe kryeministri Hristijan Mickoski ka njoftuar për takimin me ambasadoren e ShBA-së, Angella Ageller. Por, në njoftimin e Mickoskit nuk përmendet procesi euroatlantik i vendit, vetëm përparimi demokratik dhe stabiliteti rajonal.
Bashkimi Europian, nuk zë vend në kumtesë.
“Në takim u shkëmbyen mendime dhe qëndrime për politikat në vijim dhe për çështjet ekonomike si dhe për përparimin e procesit demokratik të vendit.
“Kryetari Mickoski e potencoi rëndësinë për partneritet strategjik ndërmjet dy shteteve, duke potencuar se përkrahja e anës amerikane është kyçe për zhvillimin e stabilitetin e rajonit.
Ambasadorja e Ageller e konfirmoi përkushtimin e SHBA-së për vazhdimin e bashkëpunimit të shkëlqyeshëm me Maqedoninë e Veriut dhe shprehu gatishmëri për përkrahje të reformave kyçe dhe projekteve që parashihen në periudhën vijuese.
Takimi mbaroi me pajtueshmëri për fuqizim të mëtejmë të raporteve bilaterale dhe intensifikimin e bashkëpunimit në fusha të ndryshme në interes të përbashkët”, qëndron në njoftimin e Mickoskit.