Presidenti Pendarovski asnjëherë nuk ka qenë kundër forcimit të proceseve ekonomike, lehtësimit të procedurave doganore, qarkullimit të lirë të njerëzve dhe kapitalit ndërmjet vendeve të Ballkanit Perëndimor. Por fakti që gjysma e vendeve të rajonit nuk janë pjesë e nismës “Open Balkans”, kufizon objektivisht potencialin e saj, sipas një reagimi të dërguar nga zyra e presidentit.
Nga atje thonë se presidenti Pendarovski asnjëherë nuk ka dhënë ndonjë deklaratë, akt apo vendim që do të ishte kundër miqësisë së popujve në rajon dhe kundër perspektivës së tyre në BE. Fatkeqësisht, shumë politikanë të tjerë në rajon po veprojnë në drejtim të kundërt.
Në një deklaratë nga zyra e Pendarovskit thuhet se qëndrimi i presidentit për nismën Ballkani i Hapur ka qenë konsistent që nga fillimi dhe se presidenti ia ka përcjellë personalisht kryeministrit Zoran Zaev pas takimit fillestar në Novi Sad kur u promovua nisma.
Për këtë temë, në kabinetin e presidentit Pendarovski si pikë e rendit të ditës është diskutuar në mbledhjen e parë të lidershipit në prani të partive opozitare në vitin 2019. Konkluzioni unanim për nismën “Ballkani i Hapur”, i rënë dakord nga të gjitha subjektet politike në atë takim lidershipi ishte se vendi ynë nuk ka alternativë në rrugën e anëtarësimit të plotë në BE dhe se nëse nisma “Ballkani i Hapur” ka një karakter të tillë, ajo është. e papranueshme për asnjë subjekt politik në Republikën e Maqedonisë së Veriut.
