QASJA E KRYEMINISTRIT TË RI BULLGAR – E PRANUESHME
Maqedonia e Veriut vlerëson se afati prej gjashtë muajve për gjetjen e zgjidhjes me Bullgarinë me qëllim të zhbllokimit të rrugës drejt BE-së, është shumë I gjatë. Kreu shtetëror vlerëson se problemi duhet të zgjidhet së shpejti, me qëllim që të mos mbahet peng I gjithë rajoni.
Presidenti I vendit Stevo Pendarovski, nga Prishtina tha se është e pranueshme qasja e Kryeministrit të ri bullgar, Kiril Petkov, që të mos bisedohet vetëm për historinë, por nuk pajtohet me periudhën gjashtë mujore të zgjidhjes së krizës.
STEVO PENDAROVSKI – PRESIDENT I RMV-së
“Është e pranueshme qasja e Kryeministrit të ri bullgar që historia të mos jetë kanali I vetëm I komunikimit. Kuptohet, nuk e mbështes afatin e paralajmëruar prej gjashtë muajve. Mendoj se problemi mund të zgjidhet për një periudhë më të shkurtër kohore”.
Edhe Ministri I Jashtëm, Bujar Osmani ka thënë se Bullgaria ka të drejtën e vetos, por gjashtë muaj është një periudhë shumë e gjatë në kontekstin ku gjendet rajoni. /KlanMacedonia/
