Në lugina, mëngjesi mund të sjellë mjegull dhe vranësira të ulëta, ndërsa gjatë ditës pritet mot me diell dhe vranësira të lehta deri mesatare, veçanërisht në jug gjatë paradites. Do të fryjë erë e lehtë deri mesatare nga veriu, me periudha më të forta përgjatë luginës së Vardarit.Temperaturat minimale do të lëvizin nga -3 deri në 5°C, ndërsa ato maksimale nga 7 deri në 14°C.
Në Shkup, mëngjesi mund të jetë me mjegull, ndërsa gjatë ditës moti do të jetë me diell dhe vranësira të lehta deri mesatare. Do të fryjë erë e lehtë deri mesatare nga veriu. Temperaturat pritet të jenë nga 0°C në mëngjes deri në 14°C gjatë ditës.
Në ditët në vijim, moti do të mbetet stabil, me temperatura të ulëta në mëngjes, ndërsa ato ditore do të jenë në rritje deri në fund të javës.
