“Parandalimi i korrupsionit”,Arben Fetai: Për këtë çështje kompetente është Ministria e Drejtësisë

Zëvendëskryeministri për qeverisje të mirë, Arben Fetai, i cili kishte premtuar një sërë ligjesh për parandalimin e korrupsionit dhe reforma në këtë fushë, tani, në pyetjen e gazetarëve, thotë se për këtë çështje kompetente është Ministria e Drejtësisë. Fetai, para 3 muajve kishte deklaruar se do të niste zbatimi i Strategjisë për luftë kundër korrupsionit, kishte paralajmëruar një sërë reformash dhe kishte thënë se do të fillohej nga çështja e konfiskimit të pasurisë së funksionarëve. Megjithatë, në praktikë, deri tani asgjë nga këto nuk është realizuar, ndërsa tani ai gishtin e drejton kah Ministria e Drejtësisë. /Alsat.mk