Një 27-vjeçare nga Pallçishti i Poshtëm ka raportuar në SPB Tetovë një rast të rëndë që lidhet me trajtimin e saj në repartin e Gjinekologjisë të Spitalit Klinik të Tetovës, njofton TV21.
Sipas denoncimit, pacientja pretendon se pas një trajtimi të mëparshëm për komplikime të shtatzënisë, është liruar pa raport mjekësor, ndërsa dy ditë më vonë ka pësuar abort spontan. Ajo thotë se një mjek i repartit i ka komunikuar se në evidencën zyrtare figuron sikur kishte kryer një abort të mëparshëm dhe ishte trajtuar si duhet — diçka që bie ndesh me atë që i ishte thënë në momentin e lirimit, kur i kishin deklaruar se foshnja ishte mirë. Rasti është duke u hetuar nga autoritetet.
“Më datë 28.11.2025 në ora 12:20, në SPB Tetovë, A.J.I. (27) nga fshati Pallçishti i Poshtëm ka raportuar për veprën ‘mjekim i pavetëdijshëm i të sëmurëve’ dhe ‘falsifikim i dokumentit zyrtar’, kundër M.E.A., e punësuar në repartin e Gjinekologjisë në Spitalin Klinik Tetovë. Sipas raportimit, më 22.11.2025, ajo shkoi në spital ku ishte duke u trajtuar në repart për shkak të komplikimeve me shtatzëninë dhe më 24.11.2025 u lirua në shtëpi me terapi të duhur, por nuk iu dha raport mjekësor. Të njëjtën ditë, raportuesja kishte pasur një abort spontan dhe iu drejtua të njëjtit repart, ku një mjek tjetër i tha se në evidencë shkruhej se ajo kishte bërë një abort më parë dhe ishte trajtuar në mënyrë të duhur, megjithëse kur u lirua i kishin thënë se foshnja ishte mirë. Po ndërmerren masa për zbardhjen dhe dokumentimin e rastit”, thuhet në njoftimin e SPB Tetovë.
