Nga fundjava fillon orari dimëror i fluturimeve për sezonin 2025/26. Nga aeroporti i Shkupit do të operojnë fluturime drejt 49 destinacioneve të rregullta, të cilat do t’i shërbejnë 17 kompanitë ajrore, si dhe 13 linja charter. Nga aeroporti i Ohrit janë planifikuar pesë linja të rregullta.
Në sezonin dimëror shtohen 10 destinacione të reja, nga të cilat nëntë do t’i operojë Wizz Air me subvencione qeveritare – përfshirë Madridin, Barin, Pragën, Kölnin, Larnakën dhe Bazelin. Më 3 nëntor, easyJet rikthen linjën për Gjenevë.
Gjatë nëntë muajve të parë të këtij viti, të dy aeroportet kanë shërbyer 2.58 milion pasagjerë, gjashtë për qind më shumë se vitin e kaluar. Stambolli mbetet destinacioni më i frekuentuar, ndërsa Turqia, Gjermania dhe Zvicra janë tregjet kryesore.
TAV Maqedoni njofton negociata për lidhje direkte me Danimarkën, Finlandën dhe Lindjen e Mesme. Mundësi të reja hapen gjithashtu me marrëveshjen për transport ajror të rregullt me Mbretërinë e Bashkuar, e nënshkruar në Londër.(tv21)
