Grindje në Kuvend mes Ilire Dautit, kryetarit të Kuvendit, Afrim Gashi dhe deputetëve të VMRO-DPMNE-së. Këtë mëngjes ajo e ka deponuar dorëheqjen e saj pasi të premten u votua interpelanca kundër saj si kryetare të Komisionit për politikë sociale. Në seancën e sotme ajo kërkoi që ta arsyetojë dorëheqjen e saj, por kryeparlamentari Afrim Gashi nuk lejoi duke thënë se këtë mund ta bëjë në seancën e ardhshme më 21 janar. Pas kësaj Dauti insistoi duke u grindur verbalisht me Gashin, e aty u përfshi Talat Xhaferi i cili Gashit ia shpjegonte Rregulloren, ndërsa në grindje morën pjesë edhe deputetë të VMRO-DPMNE-së.Gashi dha pauzë, por Ilire Dauti nuk e lëshoi foltoren e Kuvendit, e shoqëruan edhe deputetët e FE. Pas pauzës Gashi lëshoi pe dhe i lejoji Dautit që ta tregojë arsyetimin për dorëheqjen.
Në fillim të fjalimit, deputetët e VMRO-DPMNE-së dhe VLEN-it e lëshuan sallën. Në arsyetimin e saj Dauti e përsëriti qëndrimin se e vetmja mënyrë të vazhdojë në pozitën e kryetares së Komisionit për politikë sociale është që të mblidhen të gjithë deputetët dhe ta anulojnë interpelancën kundër saj. Deputetët që e votuan interpelancën për të, por edhe kryeparlamentarin Gashi i quajti deputetë të parespektuar.
Pas prezantimit të arsyetimit të dorëheqjes, kryetari Gashi e konstatoi dorëheqjen e Dautit nga funksioni Kryetare e Komisionit për politikë sociale pasi të premten u votua interpelanca kundër saj.
youtube.com/watch?v=p1lKDBtx5hY&t=13s
