Në lidhje me ngjarjet që vijuan gjatë dhe pas festës së 28 Nëntorit, respektivisht me djegien e flamurit shtetëror dhe flamurit shqiptar, ministri i Punëve të Brendshme, Pançe Toshkovski tha se janë arrestuar gjithsej 18 persona, ndërsa 4 janë në paraburgim.
“MPB deri tani, në lidhje me këto ngjarje ka arrestuar 18 persona, nga ata, 4 janë në paraburgim. Përafërsisht ndaj rreth 10 personave janë ngritur procedura kundërvajtëse për atë rebelim që e pamë në rrugë në aspektin e kaosin në trafik që u bë, ndërsa u prunë në rrezik jeta dhe shëndeti i posaçërisht pasagjerëve në vetura, që binin nga veturat”, tha Toshkovski.
