Nëse kam përmendur dikë, nuk e kam përmendur me kërcënim për jetën, nëse shkrimi im i prek, ky është problemi i tyre. Unë kam të drejtë demokratike të shkruaj si propozues i ligjit, jam kryetar i një partie të varfër që ka ngecur me ekzekutorë dhe ne kërkojmë shpëtim dhe rrugë për të çliruar ata njerëz që u mblidhen borxhet 3 deri në 4 herë, thotë Samka Ibraimoski për Sitel.
Samka Ibraimoski përmes Facebookut ka kërcënuar me jetë gjyqtarët kushtetues pasi kanë lejuar përmbaruesit të vazhdojnë me mbledhjen e borxheve, transmeton Sitel. Ibraimoski mohon se shkrimet kundër gjyqtares Ana Pavlovska Daneva i kanë kërcënuar jetën. Ai tashmë ka marrë një fletëthirrje për të shkuar në polici.
– Nëse kam përmendur dikë, nuk e kam përmendur me kërcënim për jetën, nëse shkrimi im i prek, ky është problemi i tyre. Unë kam të drejtë demokratike të shkruaj si propozues i ligjit, jam kryetar i një partie të varfër që ka ngecur me ekzekutorët dhe ne kërkojmë shpëtim dhe një mënyrë për të çliruar ata njerëz që u mblidhen borxhet 3 deri në 4 herë – thotë Ibraimoski për Sitel.
Nga Gjykata Kushtetuese thonë se kërcënimet i ka raportuar personalisht presidenti Darko Kostadinovski, të cilat siç informojnë nga shërbimi për media, kanë të bëjnë me një rast konkret të cilin e ka trajtuar Gjykata Kushtetuese. Pavlovska Daneva thotë se sulmet dhe kërcënimet janë presion mbi pavarësinë dhe integritetin e gjykatës.
“Ish-deputeti dhe kryetar i një partie të vogël politike, i pakënaqur me vendimin e Gjykatës Kushtetuese, vazhdimisht përmes rrjeteve sociale publikon kërcënime dhe ofendime ndaj gjyqtarëve, duke përmendur emrin tim, duke paralajmëruar vrasje dhe veprime të ngjashme kundërligjore”, tha Pavloska Daneva.
Ndërkaq, Ibraimoski ka vazhduar kritikat e tij në Facebook kundër vendimit të Gjykatës Kushtetuese dhe në videot dhe shkrimet e tij shpesh herë përmend emrin e Pavloska Danevës.
Ibraimovski është lider i Partisë për Emancipim të Plotshëm të Romëve – PÇER.
Ministria e Punëve të Brendshme ka bërë të ditur sot se Kryetari i Gjykatës Kushtetuese ka denoncuar personin S.I.
“Sot (24.06.2024) rreth orës 12, kryetari i Gjykatës Kushtetuese D.K. në Departamentin për Krime Kompjuterike në MPB ka raportuar kërcënime për jetën dhe sigurinë e një gjyqtari të Gjykatës Kushtetuese të drejtuar nga S.I. përmes një rrjeti social”, thuhet në deklaratë.
Nga atje shtojnë se MPB menjëherë ndërmerr masat përkatëse dhe ky rast do të zgjidhet sa më shpejt.
