Kryeministri i Kosovës, Albin Kurti takoi të mërkurën në Shkup, kryeministrin e Maqedonisë së Veriut, Dimitar Kovaçevski.
Zyra e kryeministrisë ka njoftuar se ata kanë zhvilluar një takim bilateral gjatë pjesëmarrjes në Forumin Ekonomik në Shkup.
“Ata diskutuan për marrëdhëniet dypalëshe të dy vendeve dhe projektet e përbashkëta. Rritja e efikasitetit të kalimit të kufirit për qytetarët e Kosovës dhe Maqedonisë së Veriut në drejtim të njëra-tjetrës dhe projekti i rrugës Prizren-Tetovë ishin dy prej çështjeve me theks të veçantë. Në takim u trajtua edhe mundësia e organizimit të një forumi të përbashkët të biznesit”, thuhet në njoftim.
