Gjeorgjia dhe NATO do të zhvillojnë një stërvitje komanduese në Gjeorgji nga 20 deri më 25 mars, njoftoi sot Ministria e Mbrojtjes në Tbilisi.
“Forcat e Mbrojtjes Gjeorgjiane do të zhvillojnë stërvitje Gjeorgji-NATO në Qendrën e Përbashkët të Trajnimit dhe Vlerësimit nga 20 deri më 25 Mars”, tha ministria në një deklaratë.
Sipas deklaratës, gjatë vitit 2022 do të mbahen manovra komanduese dhe shtabi Gjeorgji-NATO, që do të thotë se do të zhvillohen stërvitje kompjuterike dhe jo në terren, në kuadër të stërvitjeve shumëkombëshe në të cilat marrin pjesë gjithsej 23 vende anëtare dhe partnere të NATO-s.
