Ministria e Punëve të Brendshme (MPB) planifikon të ripërtërirjë automjetet, si dhe policët t’i furnizojë me uniforma të reja, paralajmëroi ministri resor Pançe Toshkovski, njofton Portalb.
Ministri këtë e tha duke folur rreth reformave të planifikuara dhe përmirësimit të kushteve për punë në Ministri në fjalimin e tij me rastin e promovimit të 497 policëve të rinj nga gjenerata 2024-2025 që sot u mbajt në Qendrën për trajnim të MPB-së në Idrizovë.
“Po ndërtohen, ndërsa do të ndërtohen edhe stacione të reja policore, planifikohet ripërtërirja e automjeteve të Ministrisë, unfirma të reja moderne dhe funksionale, avancim materiak dhe teknik i të gjithë njësiteve organizative, sistematizim i ri, i cili do ta maksimizojë efikasitetin e policisë”, tha Toshkovski.Ai u përqëndrua edhe në procesin e digjitalizimit, i cili, siç tha, është një prej prioriteteve më të larta të Qeverisë dhe të Ministrisë, që krijon procese dhe shërbime më të shpejta, e kursen kohën e qytetarëve, ndërsa njëkohësisht, shtoi ministri, e zvogëlon edhe mundësinë për korrupsion.
Toshkovski paralajmëroi edhe rritje të pagave për të gjithë të punësuarit në Ministrinë e Punëve të Brendshme, posaçërisht të atyre të cilët, siç tha, janë hallka më e rëndësishme në zinxhirin e sigurisë.
#Gjithsesi se në dialog me të gjithë të punësuarit, përmes dialogut me sindikatat u përgjigjemi nevojave të tyre dhe këtu paralajmëroj përmirësim të kushteve për punë dhe rritje të rregullt të të ardhurave të të gjithë të punësuarve në Ministrinë e Punëve të Brendshme, posaçërisht nëpunësve policor të cilët janë hallka më e rëndësishme në zinxhirin e sigurisë”, tha ministri.
Në kontekst të reformave dhe përmirësimit të kushteve për punë në kuadër të MPB-së, Toshkovski e përmendi edhe renovimin e tërësishëm të Qendrës për trajnim të MPB-së në Idrizovë dhe riaktivizim të shkollës së mesme policore.
