Venko Filipçe ka lejuar ndërtimin e 16 spitaleve modulare Kovid në të gjithë shtetin që nuk plotësonin as standardet minimale, akuzoi sot VMRO-DPMNE-ja. Sipas partisë në pushtet, gjatë zbatimit të specifikimit teknik të ambulantëve modularë, nuk janë respektuar një sërë ligjesh.
“Është kontestues specifikimi teknik i bërë nga personi përgjegjës i emëruar nga Venko Filipçe, ku më vonë konstatohet se nuk përputhet me asnjë standard në fushën e shëndetësisë. Nuk është respektuar Ligji për ndërtim dhe Ligji për veprimtarinë shëndetësore dhe nuk janë respektuar standardet minimale teknike për mbrojtje nga zjarret dhe shpërthimet”, tha Valentin Manasievski, VMRO-DPMNE.
Për më tepër, VMRO-DPMNE gjithashtu akuzon se para se të shpërthente zjarri në spitalin modular në Tetovë, është bërë ridedikimi i këtyre objekteve me procedurë emergjente.
“Para se të shpërthejë zjarri në spitalin modular ku vdiqën 14 bashkëqytetarë tanë, në vend të përmirësimit të standardeve të spitaleve, Ministria e Transportit dhe Lidhjeve, me propozim të Qeverisë, ndryshoi ligjin për ndërtimin me procedurë emergjente, me qëllim që ky lloj ndërtesash të kalojë në pajisje urbane, miratimi i të cilave do të lëshohet nga Ministria e Shëndetësisë ose ministri i atëhershëm, Venko Filipçe. Këto spitale nuk janë të regjistruara në kadastër, nuk kanë marrë vendim nga Qeveria për përdorim të përhershëm dhe nuk kanë miratim për përdorim sipas rregullave për hapësirë, pajisje dhe stafin”, shtoi Valentin Manasievski, VMRO-DPMNE.
Si rezultat i gjithë kësaj, sipas VMRO-së, spitalet modulare u ngritën në mënyrë të paligjshme, respektivisht ato nuk duhet të përdoren për ushtrimin e veprimtarisë mjekësore. E gjithë kjo është bërë që lideri aktual i opozitës të përfitojë përfitim në para përmes provizioneve që i ka marrë gjatë ndërtimit të këtyre objekteve, thonë nga partia në pushtet. Përveç këtyre akuzave, në kuadër të aferës së quajtur “Provizionet që kushtojnë jetë”, VMRO-DPMNE njofton se në ditët në vijim do të zbulojë detaje të reja për më shumë aktivitete të dyshuara kriminale në ndërtimin e spitaleve modulare Kovid. /Alsat
