Ministri i Drejtësisë Igor Filkov realizoi takim me Marcia Pallota, zyrtare e projektit nga Delegacioni i Bashkimit Evropian në Republikën e Maqedonisë dhe ekipi i projektit “Përkrahja e BE-së për sundimin e ligjit”.
Me këtë, siç njofton Ministria e Drejtësisë, do të nxitet besimi i qytetarëve përmes krijimit të një sistemi drejtësie që do të jetë themeli i një shoqërie të drejtë.
Projekti ofron mbështetjen e nevojshme eksperte për Ministrinë për zbatimin dhe monitorimin e Strategjisë së Zhvillimit Sektorial për Gjyqësorin 2024-2028, si dhe aktivitete të tjera që synojnë përmirësimin e zgjidhjeve ligjore.
- Është planifikuar që gjatë muajit të ardhshëm të fillojë me debate publike për Ligjin për Këshillin Gjyqësor dhe Ligjin për Prokurorinë Publike.
- Do të riaktivizohet edhe puna e Këshillit të Monitorimit të Strategjisë Për të përmirësuar efikasitetin e sistemit gjyqësor dhe politikës kundër korrupsionit, do të jetë i nevojshëm avancimi i dixhitalizimit dhe forcimi i bashkëpunimit ndërmjet organeve të rendit dhe autoriteteve gjyqësore.
- E gjithë kjo, siç thonë nga Ministria e Drejtësisë, do të ndihmojë vendin tonë të ndërtojë një sistem ligjor më të mirë, të përparojë drejt integrimit në BE dhe të sigurojë që reformat të jenë të qëndrueshme në afat të gjatë.
