“Më vjen keq që as BDI dhe as LSDM nuk arritën të tejkalojnë veten dhe t’i mbështesin këto zgjidhje ligjore, sepse, mbi të gjitha këto propozime kanë të bëjnë me rritjen e proceseve demokratike në nivel lokal”, tha Perinski.
Ai theksoi se ndryshimet kanë të bëjnë me thirrjen për impiçment të kryetarit të komunës në referendum, vendosjen e policisë komunale si detyrim të kryetarit të bashkisë dhe transmetim transparent të të gjitha seancave të këshillit. Ministri ka thënë se qëllimi është përmirësimi i cilësisë së shërbimeve lokale dhe demokracisë në nivel lokal.
Ai shtoi se nëse ndryshimet ligjore nuk votohen në seancën e ardhshme parlamentare, nuk do të mund të zbatohen për kryetarët e komunave me mandatet e reja.
Kryetarët e komunave do të mbeten të vetmit zyrtarë publikë pa mundësinë e shkarkimit, nuk do të vendoset polici komunale dhe arkitektë të qytetit, gjë që sipas tij mund të ndikojë në cilësinë e punës lokale.
Ai theksoi se amendamentet e ligjit të propozuara nga BDI dhe LSDM janë pranuar dhe integruar, por se nuk ka pasur vërejtje konkrete nga ana e tyre.
Ministri Perinski komentoi çështjen që lidhet me numrin e këshilltarëve nëpër komuna, si pjesë e ndryshimeve në Ligjin për Vetëqeverisjen Lokale.
“Gjykata Kushtetuese ka shfuqizuar metodologjinë me të cilën është kryer regjistrimi për të cilën folëm zëshëm derisa ishim në opozitë, nuk shfuqizuan numrat që dolën si produkt i regjistrimit. Së dyti, regjistrimi u krye nga BDI dhe LSDM dhe ajo metodologji të cilëën e shfuqizoi Kushtetuta u krijua prej tyre”, ka thënë Perinski.
Ministri shtoi se Qeveria ka sjell vendim me të cilin do të intervenohet në numrin e këshilltarëve aty ku numri i banorëve në kuadër të komunës është ulur ose rritur.
“Pati ndryshime në 17 komuna, ku në 14 numri i këshilltarëve është ulur, ndërsa në tre të tjerat është rritur sipas numrit të regjistrimit”, theksoi Perinski.
Ai theksoi se numri i këshilltarëve përcaktohet konform nenit 34 të Ligjit për Vetëqeverisje Lokale i cili përcakton saktësisht se llogaritet sipas numrit të banorëve në komunë.
“Nuk ka shembull në botë ku numri i jorezidentëve merret si parametër për këshilltarët, sepse ata janë banorë të një vendi tjetër”, shton ministri.
Perinski theksoi se kërkesat e opozitës për përfshirjen e të gjithë popullsisë në regjistrim nuk janë të arsyeshme dhe thekson se Qeveria ka sqaruar këto çështje para se të propozojë ndryshimet.
